०२ साउन २०८१, बुधबार

Logo
आभुषण शनिबार, जेठ १९, २०८१

काठमाडौं । नागरिकता किर्ते कसुरमा पक्राउ परेका कान्तिपुर मिडिया ग्रुपका अध्यक्ष कैलाश सिरोहिया हाजिरी जमानतमा छुटेका छन्।

अनुसन्धानका लागि आवश्यक परेका बेलामा उपस्थित हुनुपर्ने सर्तमा सिरोहियालाई प्रहरीले बुधबार अपरान्ह छाडेको हो । सिरोहियालाई उनकै छोरा सम्भव सिरोहियाको जमानतमा छोडिएको प्रहरीले जनाएको छ ।

सिरोहिया नागरिकताबारे अनुसन्धान गर्न प्रहरीले तीन पटक म्याद थप गरि नौ दिन थुनामा राखेको थियो । नागरिकता विवादमा छानबिनका लागि उनलाई गत साता काठमाडौंको थापाथलीस्थित कान्तिपुर पब्लिकेसन्सको केन्द्रीय कार्यालयबाट प्रहरीले पक्राउ गरेर जनकपुर लगेको थियो । स्वास्थ्यमा समस्या भएपछि उनलाई मंगलबार हेलिकोप्टरबाट काठमाडौंको मेडिसिटी अस्पताल ल्याइएको थियो ।

सिरोहियाको नागरिकता नम्बर र अर्का एक व्यक्तिको नागरिकता नम्बर एउटै रहेको भन्दै वैशाख १७ गते प्रहरीमा जाहेरी परेको थियो । जाहेरी परेको झण्डै २० दिनपछि प्रहरीले धनुषा जिल्ला अदालतबाट पक्राउ अनुमति लिएको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया लेख्नुहोस्

प्रतिक्रिया
हाम्रो बारे

निरन्तर २२ वर्षदेखि मोरङ्ग जिल्लाको सदरमुकाम विराटनगरबाट सञ्चालनमा ल्याएको आभूषण साप्ताहिक हुँदै दैनिक रुपमा प्रकाशन हुने समाचार-पत्रलाई सफलतापूर्वक प्रकाशन गर्दै आइरहेको छ। हाम्रो उद्देश्य विराटनगरलाई विश्वसँग जोड्नुका साथै पत्रकारितालाई निरन्तरता दिँदै स्वतन्त्र र निष्पक्ष रूपमा समाचार सामग्री सम्प्रेषण गर्नु हो। यही उद्देश्यलाई थप प्रभावकारी बनाउन हामीले जिवित आवाज डेली प्रा.लि. मार्फत www.avushan.com नामक नयाँ वेबपेज अनलाइन ल्याएका छौं। यस वेबसाइट मार्फत हामीले ताजा र सत्य समाचार, विचार, र विश्लेषण प्रदान गर्नेछौं, जसले हामीलाई हाम्रो पाठकहरूको सूचनाको आवश्यकता पूरा गर्न र समाजमा सकारात्मक परिवर्तन ल्याउन मद्दत गर्नेछ। तपाईहरूको साथ र सहयोगले हामीलाई हाम्रो उद्देश्यमा सफल बनाउन महत्वपूर्ण भूमिका खेल्नेछ।

हाम्रो टीमहरु

कार्यकारी सम्पादक : डी.के.ढकाल
प्रबन्ध निर्देशक :
वस्थापक :रमेश मल्ल (रवि)
समाचार प्रमुख : यज्ञ पराजुली
सम्पादक : राजेश कुमार भगत
अध्यक्ष : दिपिका ढकाल

सम्पर्क

बिराटनगर मोरंग नेपाल
9705776111 , 9819351000
E-mail: [email protected]